قواعد المرور الاساسية في القاهرة, حلقات مرورية ارشادية خيارات

[Spirit]

بناء علي طلبات الجماهير -- ونتيجة لتحديات المستقبل والعصر الذي نعيش اصبح لزاما علينا ان نعد العدة لمواجهة قانون الغاب الجديد

طبعا انتم عارفين بقيت الكلام الكبير ده مع نفسكم بقا

عموما فكرة الموضوع ده بصراحة كانت من نصيحة ليا من الاخت طمطم ربنا يفك سجنها وبعدين سؤال الاخ ابو حميد عن البوز بيز

هنخلي الموضوع علي هيئة حلقات وكل ما تسمح الظروف هكتب ليكم حلقة

عاوز اقول ليكم حاجة الحلقات دي تراثية من تراث الكمبيوتر بتاعي -- يعني كل واحد هتلاقيه محتفظ بحاجات علي الكمبيوتر بتاعه من اول مشتراه وحاجات تتغير وحاجات تتمسح وحاجات تنجوا من فورمات طايش او فيروس ارهابي وكده يعني -- الحاجات دي عندي من حوالي سبع سنيين مش بقولكم تراث وخدت مني وقت مش قليل عشان الاقيها والارشادات دي مش من تأليفي ولكني اعتقد انها من تالف واحد عاش في القاهرة اكيد يعني
نسيت اقول فيه كتيب واسطوانه بموضوع الحلقات اسألوا عليه في الاستعلامات

*********************************************************************************************************************************

قواعد المرور الاساسية في القاهرة
قانون القيادة في الطرق السريعة
في أدغال القاهرة

دستور المرور في القاهرة : من خرج من داره اتقل مقداره !
لو عربيتك كبيرة أو قديمة استخدم المبدأ القانوني : اللي خايف علي عربيته يوسع !
ملحوظة : ابعد عن سكة العربيات المخرشمة ، بيسوقوا بنظرية ضربوا الاعور علي عينة !
---------------------------------------------------------------------

البوز بيز Booze Base : اللي يدخل ببوز عربيته الاول للتقاطع هو صاحب اولوية المرور! احرص علي ان تكون صاحب اول بوز .
ملحوظة : لا تطبق البوز بيز مع أي لوري أو اتوبيس ، حرصا علي بوزك لامؤاخذة
الاشارات تكشف نواياك للأعداء ، إياك أن تستخدمها !

وللحديث بقية

[gatita]

يا حلاوة

[tmtm]

حد بينده.....؟

[قمر الليالي]

[الـنـديــم]

>>

[Spirit]

[Spirit]

حلقة 2

لا تترك مسافة للأمان بينك وبين السيارة التي امامك فهذا له عدة مخاطر :
أولا : عربية تانية حتملأ الفراغ في ثواني وبرضه ما يبقاش في مسافة بينك وبين اللي قدامك / كل اللي كسبته انك اتأخرت لورا شوية
ثانيا : حتدي فرصة للعيال يعملوا غرز قدامك

ثالثا : كل المشاه حيغمضوا عينيهم ويعدوا من الحتة دي

رابعا : اللي وراك هيقعد يزمر - لو كان مؤدب - أو تسمع شوية اسامي حيوانات لو كان سواق تاكسي - مؤدب - أو هيخبط لك من ورا لو كان سواق ميكروباص - ودول مفيش حد منهم مؤدب -

[Akrum]

في اجازة الصيف دي .. اضطررت ان اسوق السيارة في شوارع القاهرة وما حولها !!!. صراحة .. اسهل ان تترك السيارة وتمشي علي رجليك ارحم !!!.

رغم اني اتحلي بالصبر إلا ان هناك بعض الشواهد التي اتذكرها وقلبت معي لضحك .. نعم خاصة في ضوء هوجة قانون المرور الجديد اللي بيحاولوا يلموا بيه شوية فلوس من الناس بعد رفع الغرامات !!!.

تخيلوا سايق السيارة وبابتسم واضحك .. ليه .. هاقول لكم ليه ..

قاعدة رقم 1 : لا تحترم اي اشارة مرور - وابحث عن العسكري .. وان لم يتوفر .. فاجتهد بنفسك ومر .. كنت اسير في الطرق وابحث عن اشارات المرور ، فوجدتها اما عاطلة او غير مستخدمة او
تعطي فلاشر فقط !!!. ولو التزمت باتباعها فاكيد ساعمل حادث في تقاطع او اتوقف فجاة فيصدمني من خلفي ..

قاعدة رقم 2 : عند القيادة في القاهرة وخاصة الاماكن المزدحمة في وسط البلد .. يجب ان تنتبه لثلاثة اشياء عسكري شرطة او امين يتربص بك حتي بصيد لك مخالفة لوقوف في ممنوع مثلا لكون لا توجد اماكن انتظار !! والونش موجود والكلابشات !! لكن اماكن انتظار !! غير متوفرة ولو وجدت فهي مشغولة دوما ..
خللي بالك من اخطاء الآخرين لتلافي اي حادثة ودي كافية بان توقف شعرك لمن يمر من يمينك وشمالك من سيارات او موتوسيكلات .. طبعا لكون مفيش خطوط ارضية تلزم كل واحد بخط سير منتظم .. فيبدو ان حقك في الطريق مستباح لكل واحد راكب .. ولو فيه فعلا مسافة امنه بينك وبين السيارة اللي امامك .. يجب ان تتوقع ان يدخل فيها واحد فهلوي !!. ثالث عنصر واخطرهم وهو البشر .. اللي بتعدي من اي حتة في الشارع وباي شكل .. يرمي نفسه في نص الشارع وبعد يبطئ في خطواته !! وينظر لك وانت حبيس السيارة خلف الدريكسيون !! وكأنه يقول لك اخبطني .. ما تخبطني !!!.

طبعا لا يوجد مكان لعبور المشاة فهو امر متاح من اي مكان !!!. وهنا بدأت في الضحك لكون الحالة تفاقمت لدرجة ان الناس تسير في طريق السيارات وكان احدهم شاب .. يلقف شنطة في الهواء ويلتقطها وهو يسير بين السيارات بلا مبالاة !!!!.

طبعا خبط سيارة امر هين لكن بشر .. اللهم احفظنا .. واحفظهم .. طبعا ان قدر لك السير في هذه الطرق فاولي لك ترك السيارة او تتملكك حالة من الضحك !! لما وصل به حال الناس والشارع .. ولكن بعد فترة من السير في تلك الشوارع وبمثل تلك الكيفية .. وجد نفسي اتجرأ واستخدم الكلاكس .. !!!. وقلما ما استخدمه هنا في الكويت لكن رغم انفي وبحركة لا ارادية وجدت يدي تضغط علي الكلاكس لتنبيه الناس لأتاحة مجال للسيارة لتسير !!!.

مسألة حط بوز العربية دي .. تعطي لك الاولوية بالفعل .. وهو مبدأ اصيل في القيادة في مصر ..

المسخرة الحقيقية التي حدثت مع السيارة في مصر اني سافرت بها من الكويت لمصر ولم يحدث بها خدش !!. وبمجرد ان ركنتها امام المنزل وفي صباح اليوم التالي .. نزلت وجدتها مضروبة ومخدوش الطلاء من علي الاكصدام الخلفي الايمن !!!. ثرت وهجت في وجه البواب .. فاخبرني بانه المهندس فلان وهو يدخل الجراج .. خبطها !!!!. طلع جاري .. واللي بيجي من الجيران اللي النبي وصانا بيهم !!.. فقلت له لما يصل بلغه اني عايزه عشان اتعرف بحضرته واعرف ازاي خبط السيارة اللي اكصدامها مرتفع عن الارض بحوالي 50 سم !!! اصلها جيب ..

المهم المهندس الهمام .. وبدم بارد قال لي بسيطة اعملها لك عند واحد زميلي صاحب جراج كذا في عابدين !! واخذ يتباهي بكونه مدير كبير في شركة كذا ومعارفه .. فقاطعته وقلت له كيف ضربت الاكصدام هكذا - فرد وقال لي اصل النسيان صني عجلها 15 انش !!.. ونصحني بان اتمهل حتي نهاية اجازتي لكون السيارة ممكن تتخبط كثير وتبقي تعملها مرة واحدة قبل ما تمشي !!!.
طبعا عاود لومه ولما لم تخبرني وتركني اظن انها خبطت اثناء تنقلي بها .. قال لي انا ابلغت البواب !!!؟ والبواب خاف يقول لي صراحة !!؟

طبعا المهندس راكب سيارة مخبط بيها عربيات كثير ويظهر انها عربية الشركة ومش فارقة معاه ومحتاج ان يمنع من القيادة اصلا طالما ممتلكات الغير لا تعني له شيئ غير انها خبطة بسيطة وكأن انا اللي غلطان اللي وقفت في وش الترام .. وحسبي الله ونعم الوكيل ...